Iha entrevista Ministru Agrikultura Pekuária Peska no Floresta Marcos “MAMETA” da Cruz esplika, atividade distribuisaun karau ne’ebé sosa ho orsamentu jerál estadu (OJE) 2025 ho totál karau hamutuk 40 kabesa no distribui ba grupu 15 ne’ebe mai husi munisipiu (4) hanesan Lautem, , Manatuto, Bobonaro no Viqueque, karau sira ne’e fó ba grupu sira atu hakiak barak atu nune’e ba oin bele fo fali ba grupu seluk ne’ebé mak seidauk hetan apoiu fini karau, antes ne’e mós tekniku sira husi pekuária halo akompaiñamentu ba iha grupu benifisiáriu sira ne’e hahú husi kuda hahan ba karau, tanba Sistema hakiak karau iha Timor ne’e sei subsistensisa katak karau sira husik livre de’it ne’e mak karau sira ne’e isin ki’ik no la bokur, maibe ho Sistema ne’ebé mak husi Diresaun Geral Pekuária no Veternaria antes halo ona sosializaun konaba ba hakiak karau tenki sulan atu nune’e bele hasa’e pezu karau.

Governante ne’e afirma karau ne’ebé MAPPF fo ba grupu benefisiáriu sira sei hetan vasinasaun husi Diresaun Nasionál Veternaria atu nune’e karau sira ne’e la bele hetan moras tanba ne’e atu servisu lao diak liu tan grupu benifisiariu sira tenki servisu hamutuk nafatin ho parte relevante sira hotu nune’e bele aumenta produsaun karau barak liu tan iha munisípiu sira, grupu benefisíariu sira ne’ebé mak simu karau ne’e kuida nafatin atu nune’e karau sira ne’e barak no boot bele fan hodi sustenta nesesidade ekonomia familia.

Iha fatin hanesan Prezidente Autoridade Municipal Viqueque, Francisco C.S de Gonzaga Soares hato’o agradese ba Ministru MAPPF ho ekipa tekniku husi Nasional hodi atribui ona fini karau vaka ba munisipiu 4 no Munisípiu viqueque hetan karau hamutuk 17 kabesa atu bele ajuda hakiak na’in sira ne’ebé mak kbi’it la to’o atu hola karau, karau ne’ebé fo atu utiliza no kuida halo didiak ho responzabilidade nune’e ba oin dezenvolve barak liu tan atu nune’e bele fo fila-fali ba grupu seluk ne’ebé presiza atu hakiak karau.

Iha sorin seluk Diretór Geral Pekuária no Veternaria, Carlos Antunes Amaral informa, programa ba akuizasaun karau vaka lokal ne’ebé distribui ba benefisiariu sira ne’e (OJE) 2025 ho montante $. 24 mill dolar Amerika hodi sosa karau hamutuk 40 kabesa ne’e hodi distribui ba iha munisípiu 4 benefisiariu hamutuk grupu 15 no kada grupu ema na’in- 5 hamutuk hodi simu karau rua ka tolu atu bele apoiu maximu hodi prepara luhan bele fo han nomós bele halo kontaktu ho ekipa tekniku husi Diresaun Nasionál hodi bele halo vazinasaun ho objetivu atu bele hasa’e kresimentu karau vaka lokal, no grupu sira ikuas mai sei devolve fila fali karau sira ne’ebé mak simu ona hodi entrega fila ba fali ba grupu sira ne’ebé mak seiodauk hetan apoiu karau.

Nune’e mós Representante grupu Hakbi’it Ekonomia Familia (HAEFA) Jeremias Soares husu ba Ministru MAPPF atu bele kontinua nafatin ho programa hanesan ne’e ba oin tanba ema barak mak moris la iha kbi’it, liu husi programa sira hanesan ne’e bele tulun sira hodi buka moris liu husi fan animal, programa ne’e se bele kontinua mós ba iha munisípiu seluk atu bele hakiak hodi sustenta ekonomia familia.Ekipa DMEA