PT Minarta Dutahutama Asina Kontratu Ba Rehabilitasaun Irrigasaun Maucola-Covalima
Díli, 23 Outubru 2025 — Ministériu Agrikultura, Pekuária, Peska no Floresta (MAPPF) asina kontratu ho kompañia PT Minarta Dutahutama ne’ebé mak sei implementa Projetu Reabilitasaun Irrigasaun Maucola ho valór orsamentu tokon 15.158.570,94 USD. Projetu ne’e ho objetivu atu rehabilita eskema irrigasaun ne’ebé kotu ona no oinsa garante fila fali fornesimentu bee ba área agrikutlura hamutuk 3.500 ektare. eskema irrigasaun Maucola ne’e rasik lokaliza iha mota lomea Suku Beko Postu Administrativu Suai Vila no Suku Tasilin Postu Administartivu Zumalai Munisípiu Covalima. seremónia asina kontratu, ne’ebé realija iha salaun enkontru MAPFF Comoro.
Iha sermonia asina kontratu ho kompañia ne’e Ministru MAPPF Marcos “ MAMETA” Da Cruz esplika, eskema irrigasaun ne’e funsiona iha tempu governu Indonézia maibé tinan barak lafusiona nune’e Ministériu esforsu hodi halo rehabilitasaun ba eskema irrigasaun tanba projetu ne’e importante tebes oinsá mak guvernu atu hasa’e produsaun agríkola iha teritoriu nasionál no garante seguransa alimentár iha Timor Leste.
“Rehabilitasaun irrigasaun Maucola ne’e sei fó benefísiu direta ba agrikultór sira iha Suai vila no Zumalai tanba projetu irigasaun Maucola ne’e rasik aumenta tan área irrigasaun ne’ebé antes nee 800 ba 3.500 ektare, Projetu reabilitasaun sei inklui mós hodi halo barazen (weir) ho naruk 150 metrus, odamatan prinsipál (intake), flashing gate, sediment trap, no kanal prinsipal naruk 7 km hamutuk ho kanál sekundáriu naruk 40 km. Durasaun kontratu ho kompañia mak tinan rua ho balu no implementasaun projetu sei benefisia 1.035 agrikultór husi aldeia sira iha área Malcola no Kuluan “
Ministru MAPPF mós salienta liu tan, implementasaun Projetu Reabilitasaun Irrigasaun Maucola ne’e rasik sei kontribui direta hodi nune’e bele hasa’e produsaun agríkola no reforsa seguransa alimentár nune’e fó oportunidade investimentu liu-liu ba setór privadu sira ne’ebé hakarak investe iha área agrikultura, ortikultura, no aquikultura hanesan parte husi visaun husi MAPPF nian oinsa atu promove desenvolvimentu agríkola sustentavél iha Timor-Leste
Iha fatin hanesan,Representante kompañia PT Minarta Duta Utama, Usman lameco, agradece ba MAPPF tanba konfiansa no promete atu halo implementasaun tuir kontratu ho responsabilidade no kualidade tuir tempu ne’eb’e determina. “ Depois asina kontratu ita sei komesa mobiliza ekipamentu no pesoál sira ne’ebé mak sei servisu nune’e ita bele hahú hala’o ona implementasaun ba projetu irrigasaun refere husi kompañia promete atu halo servisu tuir standard internasionál ho rezultadu ne’ebé diak,” nia hatete.
Seremónia ne’e partisipa husi Diretor-Geral ACPI, Martinho Laurentino Soares, Diretór Nasionál Irrigasaun, Diretór Nasionál Agrikultura no Diretor diresaun Servisu Agrikultura Municipal Covalima no Funsionariu MAPPF.Ekipa DMEA
