Iha entrevista Xefe Departementu Formasaun e Kapasitasaun Extensaun Agrikola, Salvador Fernandez Ribeiro hatete, Ministériu liu husi Diresaun Jeral Agrikultura Café Plantas Industria (ACPI) husi DNEFA, halao atividade formasaun TOT ho topiku Polítika, Planeamentu, Utilizasaun no monografia suku, ba kargu Xefia, staf senior no staf tekniku sira iha Ministériu hodi bele hala’o sira-nia servisu diak liu tan ligadu ho Planeamentu, Utilizasaun no dadus monografia suku neebé Diresaun sei halo iha tempu besik.

Durante nee ita rekolla dadus utiliza dadus ho Sistema manual, nee duni dadus husi munisipiu depois submete mai iha Ministério ho manual. tanba ho manual ne’eduni diresaun hakarak atu modofika Sistema dadus husi manual ba iha dizitalizasaun. Treinamentu formandu sira mai husi kargu Diretór Nasionál, Departementu Xefe, staf senior sira.

Nia informa, depois treinamentu TOT nee, iha nivel nasionál ita Diresaun Nasionál Extensaun Formasaun Agrikola liu husi Departamentu Formasaun Kapasitasaun, planu atu digitaliza dadus neebé sai hanesan alvu prinsipal, hodi fornese dadus ba extensionista sira, hanesan autór enumeradór neebé ita sei ba kampu , fo formasaun ba sira oinsa autualiza dadus.

Iha fatin hanesan formandu, José Ronaldo Fernandez, hato’o agradese ba formadór sira, liu-liu ba assessor ne’ebe sai nuudar oradór ba atividade treinamentu ne’e. treinamentu ne’e importante tebes tanba liga liu ho dadus.

Nia mós husu atu ba oin kontinua nafatin formasaun sira nee atu nunee iha dadus neebe mak diak no los, Espera katak liu husi treinamentu sira hanesan nee bele dizitaliasaun dadus hotu husi Manual. Ekipa DMEA