Dili-29-09-2025 Ministerio Agrikultura Pekuaria peska no Floresta (MAPPF), liu husi Diresaun Nasional Estensaun FormasaunAgrikola (DNEFA) fasilita treinamentu konaba “Politika Planeamentu, monitorizasaun, avaliasaun no monografia suku, ba funsionario hamutuk ema nain 60 durante loron 5 iha salaun MAPPF Comoro.

Iha entrevista Diretór Jeral Peska Acaçio Guterres esplika, diresaun geral hot-hotu mai tuir treinamento ida ne’e durante loron 5 atu bele hetan koinesimentu nune’e ba oin ita nia aktividade sei konsentra atu nune bele fornese dadus ne’ebe diak ba iha MAPPF.

Treinamento ne’e foku liu ba oinsa maka halo monitorizasaun no avaliasaun ba iha aktividade ne’ebe implementa iha kampu, no treinamentu ne’e rasik bele uniforme dadus ida ne’ebe ita hetan husi extensionista iha baze prepara ona, tanba ita fasilita ona ekipamentu ba sira oinsa mak atu rekolha dadus. hateten DJ Peska

Iha fatin hanesan Xefe Departementu Formasaun no Kapasitasaun Salvador Fernandes Ribeiro hateten, treinamentu ida ne’e bele eleva konesimentu ka kapasidade dirigentes sira iha MAPPF hodi bele kontribui halo planu ida ne’ebe diak no hodi melhora servisu iha MAPPF.

Tanba ne’e politika MAPPF liu husi Diresaun Nasional Estensaun FormasaunAgrikola (DNEFA), hakarak dizitaliza ita nia dadus ne’ebe uza tablet android, atu nune’e fasil liu ba jestor sira bele halo plano ida ne’ebe diak hodi responde iha baze, Extensionista em geral iha Timor tomak total 336 pessoas, e agora dadauk kada munisipio iha tan rekrutamento novu extensionista sira iha municipiu tanba ita hatene katak extensionista tuir decreto lei 84 lei poder lokal ninian.

Iha fatin hanesan Formandu Filomeno Moreira informa, presiza atu halo dizitalizasaun ba setor agrikultura entaun ho metodu sira ne’ebe mak iha no ekipamentus sira ne’ebe mak ita utiliza atu halo rekolha dadus liu liu liga ho ita nia implementasaun atividade sira iha terenu. Ekipa DMEA