Liquiça 27-09-2025 Ministério Agrikultura Pekuaria Peskas no Floresta (MAPPF) liu husi Diresaun Jerál Agríkultura Kafe Plantas Industria (ACPI) halo Sosializasaun ba komunidade agrikultór sira iha Darulete oinsa atu hadia plantasaun kafe ne’ebe durante ne’e la iha tratamentu no abandona husi okupante ka agrikultor sira iha suku Darulete Postu Administrativo Liquiça Vila Munisipiu Liquiça.

Iha diskursu Direto Jerál Agrikultura Kafe Plantas Industria Martinho Laurentino Soares husu ba agrikultor sira ne’ebe mak okupa hela kafe estadu nian ne’e tenki kuidadu no tau matan nafatin ba plantasaun sira ne’ebe mak iha atu bele ku no fan hodi hetan osan atu sustensta nesesidade familia lorlorn no bele haruka oan sira ba eskola.

Plantasaun ne’ebe mak iha uluk iha tempo portugues ne’ebe mak pertense ba estadu tuir lei Governo mak sei tau matan ba, bazeia ba lei numero 3/2001 MAPPF hetan orientasaun husi Ministru Agrikultura Pekuaria Peska no Floresta atu husu koperasaun ba agrikultor sira ne’ebe mak durante ne’e okupa hela palntasaun kafe atu servisu hamutuk hodi hadia produtividade kafe, tanba ita nia kafe ne’e ema iha nasaun seluk gosta tebes ita nia kafe maibe nia produsaun kafe iha ita nia rai menus los, ho program aida ne’e governo iha hanoin atu hadia plantasaun sira ne’ebe mak iha no koperasaun nafatin ho agrikultor sira ne’ebe mak durante ne’e tau matan hela ba plantasaun kafe iha Munisispiu Liquiça. hateten DJ Agrikultura

Iha fatin hanesan Xefe Suku Darulete Afonso D.S Freitas hateten, ohin ita hamutuk iha fatin ida ne’e atu koalia ho ekipa husi MAPPF konaba okupante sira ne’ebe mak durante ne’e okupa hela plantasaun kafe Salazar tuir lista ne’ebe mak iha komunidade (184) atus ida ualu nulu resin hat no plantasaun kafe ne’e rasik partensia ba suku Darulete ninian, no husu ba komunidade sira iha suku Darulete atu kopera nafatin ho parte Governo liu husi MAPPF atu nune’e bele hadia no tau matan nafatin ba iha plantasaun Salazar ne’ebe durante ne’e agrikultor sira utiliza hela iha tinan barak nia laran.

Nune’e mos Agrikulto Filomino Almino Sente konte tebes tanba Governo liu husi MAPPF halo kopersaun ho komunidade sira atu tau matan no hadia plantasaun kafe ne’ebe iha hodi bele hasae nia produtividade kafe iha ita nia rai laran no bele mos halo exportasaun ba rai liur, maibe nafatin servisu hamutuk ho estadu atu bele hadia plantasaun kafe iha Munisipiu Liquiça. Ekipa DMEA