Dili- 26/09/25 Ministério Agricultura Pecuaria Pesca no Floretsa (MAPPF), liu husi Diresaun Nasionál Extensaun Formasaun Agricola (DNEFA) ho INDMO realiza enkontru hodi haree materia ka modul ba Sentru Formasaun Agrikola ne’ebe mak MAPPF estebelese iha Munispiu balun iha Timor hanesan Sentru Formasaun Korluli Maliana nomós Natarbora Manatuto. Enkontru ne’e realiza iha Salaun Uma Adat Comoro.

Diretór DNEFA Ipolito da Costa esplika, enkontru ne’e atu elabora modul sira atu sai materia treinamentu ba Sentru Formasaun sira ne’ebe eziste iha MAPPF tanba ne’e mak Diresaun Konvida xefe Departementu Koordenadór Kuríkular husi INDMO hodi halo diskusaun tanba tuir regras INDMO mak regula formasaun hotu ne’ebé eziste iha Timor, ne’e duni enkontru ne’e atu halo diskusaun konaba materia sira ne’ebe mak liga ba Agrikultura Pekuária no peska. “ ohin Red-Sesta-feira husi INDMO mai hamutuk ho xefia no Staff hirak ne’ebé mak hala’o servisu iha Sentru Formasaun ne’ebé eziste atu diskute konaba materia sira ne’ebé sira prepara nu’udar modul ba Sentru Formasaun atu sai hanesan matadalan ba hanorin iha Teoria no Prátika nian. Enkontru ne’e hanesan kontinuasaun husi tempu uluk ne’ebé sira hala’o tiha ona iha Sentru Formasaun Maubara tanba ne’e ohin atu halo validadsaun ba materia hirak refere. Ne’eduni iha diskusaun ne’e parte INDMO sei fo sira nia hanoin ka revizaun balu molok sira prepara modul ba hanorin.” Tenik Diretór DNEFA.

Iha fatin hanesan xefe departementu Peskiza no Kualifikasaun iha INDMO, Fortunato de Assunção hatete, INDMO simu konvite husi MAPPF atu bele suporta liu-liu iha area Formasaun prefesionál Agrikola nian, entaun objetivu INDMO atu haree ba preparasaun materia atu aplika ba akreditasaun Sentru Formasaun Agrikola, nune’e mós haree koanba modul ka matadalan ba planu formasaun sira ne’ebé mak prepara no formasaun sira ne’ebé sei fornese ba juventude Agrikutór sira iha fatin rua hanesan Korluli Maliana no Natarbora.

Xefe ne’e informa, Husi parte INDMO nia haree mós husi aprezentasaun balu husi Departementu Gestaun Sentru Formasaun Professionál Agricola sira komesa halo ona preparasaun maibé presiza ajusta ho padraun sira ne’ebé mak estabelese ona iha INDMO hodi nune’e formasaun sira ne’ebé Sentru Formasaun Agrikola halo bele ajusta ho sistema Formasaun professionál ou babain bolu Sistema TIFET hodi nune’e ita la’o iha koredor ida de’it iha Formasaun Professional. Ekipa DMEA