Baucau- 06/08/25 Ministru Agrikultura Pekuaria Pesca no Floresta (MAPPF) Marcos Mameta da Cruz hamutuk ho Repretante PAM Baucau, APA Baucau Vila, Chefe Sucu, Veteranu no mos komunidade balu halo observasaun ba Irrigasaun Watuwa Modobuti Baucau molok halo lansamentu.

Ohin (rad) Kuarta, hau mai fali iha nee. iha nee hau mai dala hira ona atu hare kondisaun iha fatin ida nee, neebe liga ho irigasaun ita atu halo. Ita hatene katak iha fulan hirak liu ba hau asina ona kontratu ho kompanha CNI 22, neebé sei halo konstrusaun irrigasaun ba iha fatin ida nee. Irrigasaun nee naran Watuwa, ho montante orsamentu hamutuk 22 Milhoes. Tanba nee ohin hau mai atu hare nia preparasaun tanba kompanha komesa halo ona Access Rut. Tuir planu ita sei halo seremonia lansamentu ba fatuk dahuluk iha lron 16 fulan nee. katak Ministru hafoin remata observasaun

Nia hatutan, Ita mai hamutuk Autoridade local sira iha nee no mos Veteranu balu no mos PNTL balu atu mai hare katak kondisaun nee preparadu ona atu halo lansamentu nee ka lae? Kondisaun nee hatudu katak hadia tan ituan deit ita bele reliza ona Seremonia lansamentu refere. Ita mos sei halo seremonia kultural ba ita nia rai lulik, tanba nee ita nia lia nain sira sei halo tiha lai.

Nia akresenta, konstrusaun Eskema irigasaun nee orsamentu mai husi orsamentu Jeral Estadu (OJE) ba tinan ida nee nian, irigasaun nee sei kobre ba area neebe mak luan tebes, ba area sira mak hanesan Seiçal, Samalari, Kasameta nia kobre mais ou menus 2000 hektares. Needuni irigasaun nee pronto natar hirak neebe mak abandona sei reativa fila fali. Tanba nee ita koalia bai ta nia agrikultór sira hodi ita hamutuk atu it abele halo kontrusaun irigasaun ida nee ho diak no lais hodi bele fo benefisiu ba Agrikultór sira.

Iha fatin hanesan reprezentante PAM Baucau Francisco Xavier da Silva Guterres hatutan, Konaba preparasaun ba Lansamentu Irigasaun Modobuti Watuwa Baucau, tuir orariu husi Ministru MAPPF neebe mak ho nia ekipa inklui mos APA Baucau Vila no mos Chefe Sucu nain rua inklui komunidade balu hare diretamente ba fatin neebe mak atu halo seremonia lansamentu Irigasaun refere nunee mos ita hare ba fatin seremonia kultural nian.

Nia dehan, Ministru orienta hela oinsa mekanizmu atu rezolve uluk problema kultural antes de lansamentu, tanba iha prosesu lansamentu nee ohin ita mos ba vizita David Alex Daitula nia fatin, tanba Primeiru Ministru mos ita sei akompanha to iha fatin depois de halo lansamentu. Kordenasaun ho komunidade sira koalia buat rua, problema social ita entrega mai iha Autoridade no Ministru sira mak atu rezolve, maibe problema konstrusaun teknikamente kompania mak rezolve.

Nunee mos Veteranu Saturino da Costa Belo dehan, nuudar Veteranu nia apoiu ba planu Governu nian nee, tanba nee hanesan Veteranu nia apoiu kualker atividade saida deit mak tama bai ha sira nia area, tanba programa ida neebe mak diak tebes ba agrikutór sira. tanba ita nia populasaun sira mos hakarak atu halo natar hodi bele produs fos atu povu bele hetan moris diak, tanba hanesan Veteranu nia apoiu 100% ba kompania neebe mak sei halo konstrusaun ba irigasaun refere.

Iha tividade observasaun nee, Ministro MAPPF akompanha husi reprezentante PAM Baucau, APA Baucau Vila Chefe Suku no mos Komunidade balun hetan mos seguransa masimu husi PNTL, Vizita saudozu David Alexandre Daitula nia subar fatin iha area Ossoluga Samalari. Ekipa Kobertura DMEA