Dili, 23 Juñu 2025 - Ministériu Agrikultura, Pekuária, Peskas no Florestas (MAPPF) asina kontratu ho kompañia CICO husi Xina atu konstrui irrigasaun Irabere ne'ebé iha futuru sei kanaliza bee bá komunidade sira nia natar iha Munisípiu Viqueque no Lautem.

Ministériu asina kontratu ho kompañia ne’e atu konstrui irrigasaun Irabere. ho osan  montante millaun USD.  10, 714,858.26  ba kontrusaun eskema irrigasaun Irabere nian no eskema irrigasaun ne'e sei kobre área hamutuk ektare 468. No kanál irrigasaun hamutuk 9.2 kilometru katak Irrigasaun Irabere husi parte Munisípiu Lautem postu Iliomar nian, iha natar Venose ne'ebé sei kobre área hamutuk ektare 118 no husi parte Munisípiu Viqueque postu Watukarbau natar Baidubu sei kobre área hamutuk ektare 350 ho nune'e totál natar hamutuk ektare 468 mak sei kobre husu irrigasaun Irabere ne'e rasik, hatete Ministru Marcos “MAMETA”da Cruz depoizde asina kontratu ho Kompañia Xina iha Comoro Segunda foin lalais ne’e iha salaun Uma adat MAPPF

Ministru hatutan, área rua durante ne'e, Ministériu destaka eskavadór ida permanente iha ne'ebá hodi normaliza kanál rua atu bele fornese bee ba iha área Uatukarbau Baidubu no área Iliomar Venose.

Governante ne'e haktuir katak kontratu ida ne'e lori esperansa boot katak iha tinan rua mai irrigasaun ne'e sei di'ak no sei fó benefisiu bá komunidade agrikultór sira iha área rua refere. Maibé depoisde asina tiha kontratu ne'e tuir prosesu legál Ministériu sei haruka bá Tribunál das kontas atu halo uluk verifikasaun durante fulan ida. Liu tiha ne'e mak Ministériu Agrikultura, Pekuária, Peskas no Florestas sei halo sosializasaun bá komunidade sira relasiona ho Projetu konstrusaun eskema Irrigasaun Irabere ne'ebé atu realiza iha tinan ida ne'e.

Iha fatin hanesan, Administradór Postu Administrativo Iliomar, Fernando Cardoso  de Deus katak, iha duni dever obrigasaun atu koalia ho ninia komunidade sira hodi bele koopera konaba saida mak dezenvolvimentu, tanba ne’e  nu’udar autoridade sei halo sosializasaun didiak ho komunidade sira konaba  dezenvolvimentu nune’e bao in komunidade sira sei simu dezenvolvimentu  nune ba  oin bele lao. área potensial ba natar mak hanesan iha area Irabere, iha komunidade Suku 3, mak Suku Tirilolo, Iliomar 1 no Iliomar 2. Ekipa DMEA