Dili,6 Agusto 2025, Staf  Departamentu IT no Media Extensaun Agrikola husi Diresaun Nasionál Extensaun no Formasaun Agrikola no Diresaun Nasionál Administrasaun Finansa tuir formasaun  oinsa atu administra no jere Portal MAPPF durante loron rua hahú husi loron 6 ate 7 Agustu 2025 iha salaun Enkontru MAPPF Dili.

Diretor Geral Servisos Cooporativos, Celestino da Cunha Barreto apresia ba kolaborasaun entre  Ministériu ho TIC Timor  tanba liu husi  formasaun ne atu fahe esprensia no kapasita staf sira konaba oinsa atu jere hodi administara portal Ministériu nia hodi dessimina Informasaun Ministériu  nian iha Setór Agrikultura,Pekuária,peska no floresta ne'ebé mak implementa atividade husi nivél nasionál to’o baze oinsa mak hasa’e produsaun iha rai laran.

DG hatutan, MoU asina tiha  ona  iha tinan rua liu ba no ohin loron (rad-kuarta-feira) konsege realiza formasaun ba staf Ministériu nian oinsa mak atu bele jere Portal ho diak tanba Portal ne inportante tebes hodi hatutan informasaun ba mundu. 

Iha fatin hanesan Xefe Departamentu DDSIA TIC  Timor  Norberto Soares Critovão, formasaun durante loron rua ne'e atu kapasita funsionariu husi Departamentu IT no Media nian oinsa mak atu bele administra no jere Portal MAPPF, hira tinan tinan rua liu ba  TIC Timor asina akordu Nota de Intendimentu oinsa atu bele apoiu funsionariu IT nian hodi muda portal MAP ba fali MAPPF.

Xefe relasa, Formadór  husi formasaun ne'e husi ajensia TIC Timor nian  sei fahe esperiensia ba staf sira nune'e ba oin bele jere ona portal MAPPF iha futuru ho diak.

Partisipante ba formasaun ne'e hamutuk ema na'in-11 kompostu husi feto 2 no mane 9,formasaun ne'e loke ofisialmente husi Diretór  Geral Servisos Cooporativos no akompaña  husi Diretora Administrasaun Finansa inklui Xefe Departamentu Media Extensaun Agrikola. Ekipa DMEA