Dili- 30/06/25 Governu liu husi Ministeriu Agríkultura Pekuária Peska no Floresta (MAPPF) iha koopersaun Bilateral diak ho Governu China, tuir Planu sei hari'i DAM iha Timor Leste. Relasiona ho asuntu ne’e ekipa delegasaun husi nasaun China realiza enkontru ho parte tékniku Ministériu nian halo diskusaun ba planu refere. Enkontru ne'e realiza iha Salaun Logistiku MAPPF Comoro.

 Iha entrevista Representative Minister of Water Resource Republic of China PANG hatete, tékniku china ho tékniku Agrikultura  sira atu haree oinsá mak bele ajuda no responde ba problema konaba be’e, tanba Diskusaun ne’e mos tuir planu sei haree  diretamente iha terenu oinsa atu hari,i DAM hodi bele ajuda ita iha parte be’e nian.

Nia dehan, depoisde enkontru sei vizita mós iha terenu hafoin halo diskusaun  ho Embaxada hodi haree ba orsamentu, enkontru ne’e atu hare de’it ba parte tékniku ninian.

 Iha fatin hanesan Diretór Nasional Irrigasaun, Jacinto Vicente Filipe Gama, informa, MAPPF iha inisia atu halo ka kria DAM, iha tinan 2015 ita halo ona estudu ba mota 15, liu husi estudu ida ne’e hetan fatin tolu mak viavel atu ba estudu kontinuasaun. No iha fatin tolu ne’e Governu Timor -Leste tau ona osan ba fatin rua mak iha Mota sui Karau Ulun no mota Belulik iha Ainaro. Agora dadauk iha prosesu tenderizasaun.

Nia informa, Mota seluk mak mota Laclo, ne’e mak Governu China iha interese atu halo estudu ne’eduni iha enkontru ne’e atu forma ekipa ida atu bele hatudu estudu ba oin . Ekipa tékniku ho reprezentante sira husi China sira sei ba terenu hodi haree kondisaun iha terenu diretamente. ekipa tékniku husi MAPPF preparadu atu akompaiña sira.

Iha tempu badak ekipa refere sei aranka ba iha terenu mota Laclo munisípiu Manatutu hodi bele haree direta fatin ne’ebé mak atu hari'i DAM.Ekipa DMEA