PROSESU KONSTRUSAUN ESKEMA IRRIGASAUN MALIANA II IHA MEMO MALIANA ATINJI ONA 41%
Bobonaro (17/2/2026), Ministru Agrikultura Pekuária Peska no Floresta Marcós “MAMETA” da Cruz akompaña husi Prezidenti Autoridade Municipal (PAM) Bobonaro, Paul Moniz Maya,observa direta prosesu konstrusaun eskema irrigasaun Maliana II ne’ebé mak konstrui husi Kompañia PT.Minarta Dutahutama iha Memo Maliana atinji ona 41%. Ministru ho kometiva mós vizita eskema irrigasaun Maliana I hodi hare besik kanál balun ne’ebé mak heta estragus husi udan bot ne’ebé mak aontese foin lalais ne’e.
Ministru MAPPF, Marcos “ MAMETA” da Cruz iha entrevsita esplika, hamutuk ho PAM Bobonaro vizita eskema irrigsaun Maliana I hodi haree kanál ne’ebé mak estraga husi udan boot kuaze 40 metrus ne’eduni oreinta ona tekniku sira atu bele halo levantamentu tekniku nian nune’e Ministériu bele buka solusaun emerjensia nian, nune’e bele oferese be ba agrikultór sira nia natar iha Mnaliana I.
Ministru realsa, vizita ne’e hanesan observsaun ida prosesu kontrusaun eskema irrigasaun Maliana II tanba iha semana rua liu ba mós ekipa husi nasaun viziñu Indonzia mós realiza vizita ida mai kontrusaun irrigasaun refere tanba ekipa husi Indonezia ne’e husu ba Ministériu katak aban-bairua tenki fahe be ekilibre ka hanesan ba parte rua nian.
Iha fatin hanesan, Prezidenti Autoridade Municipal (PAM) Bobonaro, Paul Moniz Maya, mós hatutan, husu ba kompañia ba kontrusaun eskema irrigasaun ne’e atu bele aselere prosesu konrusaun irrigasaun nune’e bele oferese be ba agrikultór sira iha parte Maliana II nian atu bele halo natar tinan ida dala-rua hodi hasa’e produsaun hare tanba durante agrikultór sira depende de’it ba udan ben.
Partisipa iha vizita ne’e, Diretór DNAHPP, DNEFA, Diretór Nasional Irrigasaun nomós stfa tekniku no xefe departamentu. Ekipa DMEA
