Dili, Diretór Gerál Servisu Cooporativos hamutuk ho delegasaun husi Institutu Seameo Biotrop husi Nasaun Indonesia  realiza enkontru inisiativu Servisu hamutuk iha area agrikultura tanba iha governu anterior Ministériu Agrikultura selebra ona  MoU ho Institutu refere ne’eduni Ministériu presija atu haree oinsa mak  servisu hamutuk ne’e bele lao iha futuru.

Iha entrevista Diretór Gerál Servisu Cooporativos MAPPF, Celestino da Cunha Barreto esplika,enkontru ne’e hanesan inisía oinsa mak atu hahú servisu hamutuk ho Institutu Seameo Biotrop ne’ebé mak halai liu ba dezenvolvimentu peskiza , kapasitaun rekursu umanu no advokasia partnership liu-liu ba biodiversidade, agrikultura inklui peska.

Nia hatutan, oinsa mak halo bioviversidade sustentavel inklui teknolojía agrikultura modernu tanba Institutu Seameo  Biotrop ne’e servisu hamutuk ho nasaun ASEAN sira inklui Timor-Leste. Depoizde enkontru ne’e Diresaun jerál mós sei konvoka enkontru ho diresaun tékniku sira katak aseita ka lae hodi servisu hamutuk iha futuru.

Iha fatin hanesan, Diretór Administarsaun Institutu Biotrop Indonesia, Elis Rosdiawati katak, Institutu ne’e iha koordenasaun ho Ministériu Edukasaun Indonesia nian no Instittutu mós servisu hamutuk ho membru nasaun Asean sira inklui Timor Leste ne’eduni husi parte Instutu hato’o hela ba Ministériu  konaba lalaok servisu ne’ebé mak liga ba biodiversidade, agrikultura no peska inklui oinsa halo peskiza konaba rai banhira atu kuda komoditi ida.” Instutu mós oferese treinamentu Tot funsionariu tekniku no mestri sira ne’eb’e mak hanorin iha area agrikultura nian, ami mós halo prosesamentu resídu agrikola sai fali ba produtu mina, sabaun, sampoo no seluk tan inklui halo adubus maran no been”

Ekontru ne’e partisipa husi  Kordenadora Geral Unidade Seguransa Alimentar  Agro Komersiu  e  Koperasaun (UASAC), Ervina Soares Pinto, Diretór Nasionál DNEFA, Xefe Departamentu inklui  staf Unidade Koperasaun bilateral. Ekipa DMEA