Dili-24/11/25, Parseiru dezenvolvimentu Conservasaun Internasionál (CI) aprezenta rezultadu progresu servisu iha area Peska  no floresta  durante tinan rua ba Ministru MAPPF Marcos “MAMETA”da Cruz iha  iha Salaun Uma Adat Comoro.

 Iha Diskursu Ministru MAPPF, hato’o nia apresiasaun ba parseiru CI ne’ebé mak bele mai update progresu servisu ne’ebé durante ne’e halo, CI halo ona buat barak balu lao dadaun balu sei lao, tanba ne’e Ministro hato’o apresia tebes ba servisu CI nian durante tinan rua ne’e.

“Hanesan ita hotu hatene katak orsamentu ba dezenvolvimentu iha ita nia rai ne’e mai husi OJE, no mós orsamentu mai husi Ajensia Internacionál sira balu, tanba orsamentu Estadu ne’ebé aloka mai iha Ministério la du’un bo’ot, tanba ita hotu hatene katak orsamentu sei prioridade mós ba setór sira seluk hanesan; Estrada, Eletricidade, be’e mós no mós seluk seluk tan. Tanba ne’e mak maske ita nia setór ne’e bo’ot no importante tebes maibe ita hetan ita nia porsaun mak total Orsamentu 22 Milhões ba tinan oin, ne’e duni ita husu oinsa mak atu servisu hamutuk atu bele dezenvolve ita nia setór ne’e liu husi oinsa mak ita mobiliza rekursu husi fontes seluk.” Tenik Governante ne’e

Ministro Salienta, enkontru ne’e importante tebes, tanba bele fo hanoin ba malu hodi hare posibilidade, bazeia ba saida mak ita halo ona, ita mós presiza ho prestasaun servisu ne’ebé diak ba parseiru sira ne’ebé fo ona osan mai ita, hanesan liu husi Parseiru CI ne’ebé implementa dadauk programa balu, ita mós tenki hatudu katak ita iha desenpenha ne’ebé diak, katak ejekusaun osan sira ne’e diak, iha duni benefisiu ba povu.

Ministru mós fo hanoin katak, atu iha komunikasaun ne’ebé diak, entre CI ho Ministério, ita presiza hakerek informasaun sira ne’e iha Livru ruma hanesan dokumentu atu nune’e fo hanoin mai ita katak atividade sira ita hala’o mak hanesan iha livru ka documentus ne’ebé ita iha.

Iha Fatin hanesan Diretór CI Manuel Mendes hatutan, Atividade ida ne’e liga liu ba iha progresu relasiona ho MoU ne’ebé asina entre MAPPF no mós CI nian, projeitu hira mak CI konsege hetan, depois de asina MoU, no projeitu sira ne’e CI implementa ona no ba futuru oinsa mak Ministério hamutuk ho CI kolabora nafatin hodi lori tan fundus husi liur, liu-liu husi parte sira ne’ebé bele asesu ba, atu bele ajuda liu tan Ministério ida ne’e.

“Ita hare katak husi parte Ministério iha orsamentu ne’ebé naton, maibe iha parte balu ne’ebé ita hare katak ita presiza mobiliza tan osan husi liur atu bele ajuda Ministério, entaun ita hre katak iha parte pescas nian agora dadauk iha projeitu 5 ne’ebé mak agora ita halo hela hamutuk ho Dirasaun Jeral Pescas no projeitu rua halo ho Dirasaun Jeral Floresta nian, total ita iha projeitu 7, no projeitu ida tan foin lalais ne’e mak aprova atu kolabora hamutuk ho Ministério, hein katak ida ne’e bele iha impaktu pozitivu ba ita nia rai, atu bele atinji ita nia vizaun Ministério nian.” Tenik Diretór CI

Portanto enkontru ne’e partisipa husi Ministro MAPPF Marcos “Mameta” da Cruz, Estaf Tekniku husi Dirasaun Jeral Pescas, Estaf Tekniku husi Dirasaun Jeral Floresta Diretór CI Manuel Mendes no mos staf sira husi CI. Ekipa DMEA