Dili- Ministru Agrikultura Pecuaria Pesca no Floresta (MAPPF) Marcos “Mameta” da Cruz hasoru malu ho investór no Kompania balu husi China, hodi hare no investe iha area Agrikultura Pecuaria Pesca no Floresta. Sorumutu ne’e realiza iha loron Segunda (17/11/25) iha Salaun Uma Adat Comoro.

Iha Entrevista Ministro MAPPF esplika, dader ne’e ita hasoru malu ho China hanesan Investor no kompania sira, husi provincial ida naran Wandon. Tanba sira iha interese atu mai hare posibilidade oportunidade iha ita nia rai, iha area Agrikultura, Pecuaria, Pesca no mós Floresta.

“Hau mós esplika ba sira katak ita nia nasaun Timor hanesan foin dezenvolve a’an, ita iha potensia ba investimentu iha setór Agrikultura, Pecuaria, Pesca no mós Floresta. No sira hatete katak loron hira ona sira iha Timor sira mós akompania ita nia situasaun sira iha ne’e no sira hare katak sei iha oportunidade ba sira, ne’e duni sira hein katak depois de ida ne’e sira sei fila fali mai hodi bele investe iha setór sira ne’e.” katak Ministro

Governante ne’e informa, China sira ne’e iha espereinsia, balu iha kopmania ne’ebe mak iha ligasaun ho area Agrikultura no Pescas. Iha area pescas nian oinsa atu hakiak ikan iha tasi laran, sira mós bele halo Ró ba Turizmu, Ró ba hakiak Ikan iha tasi laran, iha area Floresta mós nune’e; sira iha Ai’I ne’ebé mak bele kuda iha rai maran, nune’e Ministru mós esplika ba sira katak loron seluk bele mai fali.se diak liu tan hela lai iha Timor kleur hodi bele esplora saida mak sira iha interese ba.

Portanto Sorumutu ne’e marka Prezensa husi Ministro MAPPF, Asesor Prisipal, Diretór Geral Agrikultura Café Plantas Industria, Diretór Jeral Floresta, Diretór Nasionál Quarentena e Bio Segurança no mós Investrór no kompania sira husi China. Ekipa DMEA