Liquiça - Loes, 31 Marsu 2026 – Vice Primeiru Ministru, Ministru Asuntu Sosiál no Ministru Dezenvolvimentu Rurál no Abitasaun Komunitaria Mariano ASSANAMI Sabino tersa semana ne’e halo inaugurasaun bá Close House N3L Santos no lansa da-uluk kolleta manu Broiler ne’ebé Kompaña Funan Santalun Unipesoal.Lda dezenvolve iha suku Vatuboro, Postu Administrativu Loes Munisípiu Liquiça.

Iha serimónia ne’e hetan akompañamentu husi Ministru Agrikultura, Pekuária, Peskas no Floresta (MAPPF), Eng.Marcos ”MAMETA” da Cruz MAgSt.

Iha diskursau ne’e Vice PM ASSANAMI husu bá governu liuhusi Ministru Agrikultura atu kontinua akompaña progresu dezenvolvimentu ne’ebé kompañia lokál timor oan dezenvolve iha Loes.

“Ita hanesan governu tenke apoiu, ita tenke servisu hamutuk ho sira atu buat ne’ebé kompañia sira dezenvolve dadaun ne’e bele hetan protesaun. Tanba ne’e ha’u husu depois lansa no inaugural tiha obra ne’e labele sai hanesan serimónial de’it maibé tenke hatama osan barak liu-tan hodi apoiu fali floke fali kampo de traballu bá timoroan sira seluk”, dehan Vice PM Marianu ASSANAMI Sabino iha serimónia inaugurasaun close house quinta N3L Santos no lansamentu da-uluk kolleta manu Broiler iha suku Vatuboro, Postu Administrativu Loes, Munisípiu Liquiça, tersa foin lalais ne’e.

Iha fatin hanesan Ministru Agrikultura, Pekuária, Peskas no Floresta (MAPPF), Eng.Marcos”MAMETA” da Cruz MAgSt. fó apresiasaun boot bá Kompañia Funan Santalun Unipesoal.Lda ne’ebé fó ona sira nia kontribuisaun bá dezenvoilvimentu nasaun nian liuhusi negósiu manu broiler ho kuantidade ne’ebé boot.

“Ha’u hodi Ministériu Agrikultura nia naran hakarak fó parabens bá Kompaña Funan Santalun Unipesoal.Lda hamutuk ho ema hotu hodi halo ona buat ida ne’e. Bá ha’u buat ida komesa ne’e mak difisil tanba dala barak ema la brani atu tama hodi halo kompetisaun, maibé ita boot sira brani tama hodi halo kompetisaun hahú iha 2019 no agora konsege dezenvolve ho di’ak ita boot sira ninia negosiu ne’e”. Dehan Ministru Marcos MAMETA

Ministru Marcos MAMETA dehan Governu hahú kedan husi Vice Priemeiru Ministru Mariano ASSANAMI nia tempu halo providénsia ai-han ho kuantidade barak ho kualidade no mós nutrivu inklui sistentabilidade. Ne’e duni komesa kedan iha tempu ne’ebá Governu hahú moderniza setór Agrikultura, Pekuária no Peskas. Nia hateten atu atinje kuantidade ai-han barak presiza moderniza. Tanba ida ne’e tama iha parte Pekuária nian.

“Ita iha populasaun hamutuk 1,4 milloens, bainhira ita ko’alia de’it kona bá na’an manu, minimu tinan ida ita presiza manu hamutuk 1.6 Milloens ou maximu bele to’o 10.5 milloens manu. Ho nune’e maka ita foin bele ko’alia katak ema ida tenke han na’an manu minimu kilo 8 maximu kilo 15 kada tinan. Ne’e estandarizasaun ida ne’ebé ita presiza atinje”.

Membrus governu ne’e haktuir katak buat ne’ebé Kompaña halo daudaun ne’e, dia’k ona no bá oin tenke espande tan bá fatin seluk atu bele hamenus ka redúz tiha importasaun ho tipu na’an manu hanesan, ne’ebé Governu importa husi Brazil. Enkuantu papel Governu nian maka buka atu apoiu liutan hodi kria kondisaun atu oinsá povu sira bele book an, liu-liu setór privadu sira.

Ministru dehan parte Governu liuhusi Ministériu Agrikultura sei halo esforsu hodi buka merkadu atu apoiu Kompañia refere liuhusi rekursu ne’ebé iha atu bele absolve produtu ne’ebé iha liuhusi Programa merenda eskolár.

“Ita boot sira halo ne’e Governu fó apresu tanba imi iha vontade hakarak kontribui bá nasaun nia di’ak. Hanesan Ministru hakarak enkoraza imi atu halo nafatin. Baihira iha problema tekniku ruma ne’ebé ligasaun ho veterinária no pekuária ita iha diresaun ne’eb’e atu ajuda hodi fó apoiu”. Tenik nia

Iha fatin hanesan Diretora Kompañia Funan Santalun Unipesoal.Lda, Joaninha Godinho deklara katak negosiu manu broiler ne’e sira hahú iha 2019 ho manu hamutuk mil depois negosiu ne’e la’o to’o ohin loron liuhusi demanda ne’ebé iha, sira mós hatama manu bá hakiak na’in sira ne’ebé laiha liña atu hatama manu husi liur. Depois merkadu mós iha ona no oportunidade mós barak ona. Sira mós halo tan investimentu iha area tolu mak hanesan produsaun fini manu broiler, loke fatin matadoru iha Hera inklui Close House ne’eb’e hetan ona inaugurasaun husi Vice PM II Mariano ASSANAMI.