Viqueque 28-11-25 Ministru Agrikultura Pekuaria Peska no Floresta Marcos ‘‘MAMETA’’ da Cruz akonpaña husi SEP Peska no SEP Floresta entrega ekipamentu agrikola hanesan Trator boot 3, makina koa hare 5 makina kuda hare 10, Ró peskas 10 ba PAM Viqueque atu nune’e bele hasae produsaun agrikola iha setór agrikultura no peska.

Ministru Agrikultura Pekuaria Peska no Floresta iha entrevista hateten, iha parte setor agrikultura ita presiza moderniza ita nia setor agrikultura, moderniza katak ita presiza dezenvolve infraestrutura baziku sira ne’ebe ita presiza inklui ita kontinua halo irrigasaun no mos ita buka atu nune’e futuru mai ita bele iha barazen ne’ebe bele kapta bee iha tempu udan nebe ida ne’e ita halo daudaun estudu ida iha Ainaro, Manufahi, Manatuto, agora dadaun iha ona tender atu hetan konsultan hodi halo estudu ba ida ne’e, ita nafatin kontinua halo infraestrutura hanesan irrigasaun iha fatin barak Viqueque nian iha irrigasaun Bebui, Dardau, Uatulari, agora dadaun kompana halo hela servisu, Irrigasaun Irabere no mos iha municipio sira seluk, liu husi Sistema mekanizasaun katak ita presiza providensia ekipamentus modernu ba ita nia agrikultor sira hanesan trator boot no kiik, no mos makina kuda hare, makina ko’a hare.

Governante ne’e afirma iha parte peska ita presiza kapasita no fo kbit ba ita nia peskador sira liu husi ita fo ró no mos makina sira hodi bele tama tasi, iha munisipiu Viqueque ita fo ró10 ba peskador sira, makina koa hare 5 no mos makina kuda hare 10 ba iha PAM hodi jere no distribui ba ita nia agrikultor sira atu fasilita sira hodi hakman sira nia servisu iha natar laran, hodi reduz lakon iha natar durante iha tempo kolleta no mos hodi hadia kualidade sira nia produtu atu nune’e bele fa’an iha merkadu nasional auto-suficiente ona ita bele faan bai ha merkadu liur.

 Ne’ebe ita buka nafatin esforsu iha nivel hotu-hotu iha nivel Municipio no nasional ita servisu hamutuk atu aumenta produsaun liu husi maneira atu aumenta ne’e maka kapasitasaun, extensionista, atu produtor ka autor ba dezenvolvimentu iha setor agrikukltura mak ita nia agrikultor sira ne’e. sira balun hetan ona kapasitasaun hanorin ona sira oinsa mak atu bele kuda hare, atu bele kuidadu no mos bele kolleta mas balun mos seidauk ne’ebe ida ne’e programa ida ne’ebe kontinu ne’ebe lao nafatin halo kapasitasaun ba ita nia agrikultor sira e mos ita nia hakiak nain ba animal no mos ba ikan ne’ebe programa sira ne’e la’o nafatin ne’ebe ita husu bai ta nia agrikultor sira atu badinas, atu ativu, iha sira nia to’os, sira nia natar, hakiak sira nia animal no mos ikan no kaer ikan depois mak governo fasilita saida maka sira presiza. Dhan Ministru MAPPF.

Iha fatin hanesan Prezidente Autoridade Municipal Viqueque Francisco C.S Gonzaga Soares esplika apoiu ne’ebe mak husi MAPPF  mak hanesan ekipamentu pezadu balun ne’ebe mak fo apoiu ona mai municipio, tan ne’e mak ita bele dehan katak ho kondisaun ida ne’e bele dehan uluk Portugés nia tempu ita iha trator ida deit maibe ita bele halo jestaun ba postu 5 agora ita iha trator aumenta tan trator boot, hand trator mos lubuk ida tan ne’e mak husu ba ita nia agrikultor no mos ita nia maun alin sira mai ita servisu hamutuk  tanba potensialidade municipiu ka area agrikultura ne’e rasik ita iha tasi, ita iha rai maran, ita iha foho, buat sira ne’e mak hanesan ema bolu dehan katak Viqueque atu bele moris atu bele fo han ita nia aan rasik liu husi area sira ne’ebe maka agora liu husi atribui ekipamentu ba autoridade sira ne’ebe mak relevante ho asunto dezenvolvimentu agrikultura, asuntu seluk ne’ebe mak liga ba apoiu sira ne’e, tan ne’e mak hau hanoin iha tempu badak ita sei tur hamutuk liu-liu servisu municipal agrikultura servisu municipal seguransa alimentar gestaun turismo, ami sei koalia ituan konaba oinsa ita atu hasae potensialidade no mos lori produtu lokal ne’ebe mak ita iha bele enkamina ba iha merkadu tan ne’e maka buat balun ita sei to’o iha neba hare iha asuntu tekniku politiku tan ne’e mak hau hanoin katak tempo ona mai ita servisu hamutuk para lori dezenvolvimentu to’o ba iha povu agrikultor sira.