Dili-Ministério Agricultura Pecuaria  Pesca no Floresta (MAPPF) liu husi Direcção Geral Agricultura Café e Plantas Industria hamutuk ho Diretór  Diresaun Servisu Agrikultura Municipal sira  realiza Workshop Nasionál kona ba dadus produtu sira hanesan; Hare, Batar, Foremungu, Forekel,  Subsidiu Mina, inklui Planu Levantamentu dadus ba produtu Frutícula.Workshop ne’e realiza iha loron Quinta (13/11/25) iha Salaun MAPPF Comoro.

Iha entrevista Diretór Geral Café Plantas Industria Martinho Larentino Soares esplika, Ministériu atu kordena hamutuk ho Diretór Servisu Agrikultua Municipal sira liu-liu konaba Dadus produsaun produtividade ai-han iha rai laran, tanba durante ne’e ita seidauk iha dadus ne’ebé mak harmonizadu entre Governu no Parseiru sira ne’ebé servisu hamtuk ho Ministério liu-liu parte FAO.

“Tanba ne’e workshop ne’e atu bele harmoniza dadus ne’e bao in, tanba ita nia kestaun hanesan Hare, Batar, Foremungu, Forekeli ita seidak iha dadus ne’ebé ita kompila ho diak, nune’e dadus ita atu públika ne’e tenki mai husi fontes ida de’it. Tanba ne’e mak workshop ida ne’e ita konvida mós parseiru sira hanesan FAO no mós Diretór Servisu Agrikultura Munisipal sira, tanba dadus sira ne’ebé mak durante ita iha mai husi Servisu Agrikultura Munisipio sira. Hein katak ho workshop ida ne’e it abele hetan dadus ne’ebé kompletu no diak. Karik la kompletu ba oin ita buka atu hadia” Katak DG  

Nia informa, Dadus hare ba tinan 2025 ne’e porvolta 150 mill tonelada, maibe ida ne’e seidauk fiksu lolos tanba dadus ne’ebe fo husi Parseiru FAO mós seidak bele harmoniza lolos ho dadus husi parte Ministério ninian, tanba ne’e mak workshop ida ne’e atu haree dadus hirak ne’e ba oin bele hadia diak liu tan.

Nune’e mós Direór Nasionál Agrikultura Hortikultura e Protesaun das Plantas Lúcio Nuno iha nia aprezentasaun katak, workshop ne’e oinsa  harmoniza servisu entre Dirasaun Nasionál Agrikultura Hortikultura e Protesaun das Plantas no mós servisu Agrikultultura Minicipal sira hotu atu diskuti konaba atividade, liu-liu ba dadus sira iha tinan 2025 no tinan 2026.

Nia esplika, objetivu primeiru mak avalisaun desenpenho no dadus produsaun, atu foti rezultadu hare no batar iha tinan 2025 nian, atu avalia mós dezenvolvimentu area kuda, area produtividade no produsaun kolleta hodi determina efikasia programa sira ne’ebé mak implementa. Objetivu Segundo mak sinkroniza programa Nasionál no Munisipal.

Portanto Wrokshop ne’e hetan partisipasaun Masimu husi DG ACPI, DSAM sira, xefe Departementu sira, no mós partisipasaun masimu husi Staf tekniku husi Dirasaun Nasionál Agrikultura e Protesaun das Plantas.

Ekipa DMEA